Անձի քաղաքացիության կարգավիճակը որոշելու նպատակով անհրաժեշտ է անձամբ դիմել Դավթաշեն, 4-րդ թաղամաս, 17/10 հասցեում գտնվող Միգրացիայի և քաղաքացիության ծառայության գլխամասային գրասենյակ։

Ծառայությունը հասանելի է միայն ֆիզիկապես։

Ծառայությունից օգտվելու համար կարող են դիմել՝

• ՀՀ-ում մշտապես բնակվող կամ ՀՀ-ից դուրս մշտապես բնակվող նախկին ՀԽՍՀ այն քաղաքացիները, որոնք ձեռք չեն բերել այլ պետության քաղաքացիություն,
• նախկին ԽՍՀՄ-ի՝ այլ պետությունների քաղաքացիները, որոնք ձեռք չեն բերել այլ պետության քաղաքացիություն,
•  ՀՀ-ում մշտապես բնակվող քաղաքացիություն չունեցող ազգությամբ հայերը,
• ՀՀ-ում մշտապես բնակվող որևէ պետության քաղաքացիություն և անձը հաստատող փաստաթուղթ չունեցող անձինք,
• ՀՀ-ում մշտապես բնակվող այլ պետության քաղաքացիությունից զրկված անձինք,
• որևէ պետության քաղաքացիություն չունեցող ՀՀ-ում փախստական ճանաչված անձինք։

Պահանջվող փաստաթղթերը

ՀՀ-ում գտնվելու դեպքում անհրաժեշտ է մոտենալ ՆԳՆ Միգրացիայի և քաղաքացիության ծառայություն և ներկայացնել քաղաքացիության հետ կապված բոլոր առկա փաստաթղթերը։

Ըստ դեպքի՝ կարող են պահանջվել հավելյալ փաստաթղթեր, որոնց մասին կտեղեկացնի Ծառայության աշխատակիցը։

Վճարման չափը և կարգը

Քաղաքացիության կարգավիճակի որոշումն իրականացվում է անվճար։

Տրամադրման ժամկետը

Կախված դեպքից՝ դիմումի ուսումնասիրությունը կարող է տևել մի քանի ամիս։

Անձը հաստատող փաստաթուղթ կտրամադրվի ՆԳՆ միգրացիայի և քաղաքացիության ծառայության կողմից անձի կարգավիճակի վերաբերյալ համապատասխան որոշում (եզրակացություն) կայացվելուց հետո, իսկ ուսումնասիրությունների արդյունքներով այլ պետության քաղաքացի հանդիսացող անձանց կպարզաբանվի ՀՀ քաղաքացիություն ստանալու կարգը։