ՀՀ անձնագրային համակարգի գործունեությունը Առաջին Հանրապետության կազմավորման օրվանից կազմակերպում, իրականացնում և վերահսկում է Ներքին գործերի նախարարությունը (Ոստիկանությունը):

Յուրաքանչյուր ժամանակաշրջան իրավապահ համակարգին իր հրամայականներն է առաջադրել, նորանոր խնդիրներ ներկայացրել: Այդ տրամաբանությամբ էլ վերակառուցվել, վերանվանվել, ժամանակի պահանջներին համահունչ նոր գործառույթներ է իրականացրել նաև անձնագրային համակարգը:

Խորհրդային ժամանակաշրջանում տարածքային բաժիններում գործում էին Անձնագրային սեղաններ:

• Մինչև 1994 թվականը եղել է վիզաների և օտարերկրյա քաղաքացիների հաշվառման բաժին,
• 1993 թվականի նոյեմբերից` վիզաների և օտարերկրյա քաղաքացիների հաշվառման վարչություն:
• 2008 թվականի հուլիսի 11-ից վերանվանվել է Անձնագրերի և վիզաների վարչություն:

Ոստիկանության գործունեության ոլորտում 2010-2011 թթ. բարեփոխումների ծրագրի շրջանակում իրականացված գործընթացի դրական արդյունքն առավել ակնառու էր անձնագրերի և վիզաների համակարգում: Նոր գործառույթներից էր Բնակչության պետական ռեգիստրի ներդրումը: ՀՀ քաղաքացիների անձնագրերի կենտրոնացված տպագրության ավտոմատացված համակարգը ներդնելու ուղղությամբ ձեռնարկումները նույնպես այդ շրջանում սկսվեցին:

• ՀՀ  նախարարների  խորհրդին  առընթեր  Փախստականների հարցերի  կոմիտեն ձևավորվել է 1990 թ․ դեկտեմբերին՝ Հայկական ԽՍՀ վերադարձող հայերի ընդունման և տեղավորման պետական կոմիտեի հիմքի վրա։
• 1992 թ. փետրվարին    ստեղծվել է   ՀՀ   փախստականների  հարցերի պետական վարչությունը։
• 1995 թ. հոկտեմբերի 16-ին  ՀՀ  սոցիալական ապահովության, զբաղվածության, բնակչության տեղաշարժի և փախստականների հարցերի նախարարությունում ստեղծվել է Փախստականների և բնակչության տեղաշարժի վարչությունը։
• 1999 թ. ապրիլի 21-ին ստեղծվել է ՀՀ կառավարությանն առընթեր միգրացիայի և փախստականների վարչությունը։
• 2002 թ. նոյեմբերի 28-ին ստեղծվել  է  «Հայաստանի Հանրապետության կառավարությանն առընթեր միգրացիայի  և փախստականների վարչության  աշխատակազմ» պետական կառավարչական  հիմնարկը։
• 2005 թ. մայիսի 19-ին ՀՀ կառավարության որոշմամբ ստեղծվել է Տարածքային կառավարման  նախարարությունը, որի  կազմում   ներառվել  է  Միգրացիոն   գործակալությունը։
• 2009 թ. նոյեմբերի 18-ին Տարածքային կառավարման նախարարության համակարգում uտեղծվել է Միգրացիոն պետական ծառայությունը` որպեu նախարարության կառավարման ոլորտում գործող պետական մարմին։
• 2014 թվականից Ծառայությունն ընդգրկվել է Տարածքային կառավարման և արտակարգ իրավիճակների նախարարության կազմում:
• 2016 թվականին Ծառայությունն ընդգրկվել է Տարածքային կառավարման և զարգացման նախարարության կազմում:
• 2023 թվականից Ներքին գործերի նախարարության կազմում գործում է Միգրացիայի և քաղաքացիության ծառայությունը։