Անձնագիր ստանալու համար անձը մուտք է գործում migration.e-gov․am հարթակ, «Առցանց հերթագրումներ» կամ «Անձնագիր» բաժնից ընտրում համապատասխան տողը՝ «16 տարեկանից բարձր ՀՀ քաղաքացու անձնագրավորում» «Մինչև 16 տարեկան ՀՀ քաղաքացու անձնագրավորում» կամ «ՀՀ քաղաքացիություն ստացած անձի առաջին անգամ անձնագրավորում» ու ընտրում այն։ Ծանոթանալով պահանջվող փաստաթղթերի ցանկին և պայմաններին՝ սեղմում է «Ամրագրել այց» կոճակը և ընտրում իրեն հարմար և ազատ օր, ժամ և տեղ։ Վերջին գործողությամբ անձը մուտքագրված էլեկտրոնային հասցեին ստանում է կոդ, որն էլ ընտրված օրն ու ժամին տարածք մոտնելաուց գեներացնում է առկա տերմինալի վրա, ստանում կտրոն։ 

ՈՒՇԱԴՐՈՒԹՅՈՒՆ

Խնդրում ենք տարածքային բաժին մոտենալ նախընտրած ժամից 10-15 րոպե շուտ։ 

Մեկ այլ դեպքում անձը առանց հերթագրման կարող է մոտենալ ՆԳՆ միգրացիայի և քաղաքացիության ծառայություն կամ Ծառայության տարածքային ցանկացած ստորաբաժանում, գնահատում տեղում առկա մարդկային կուտակումները, վերցնում տերմինալից հերթի կտրոն և սպասում։

16 տարին լրացած ՀՀ քաղաքացիներին անձնագիր տրամադրվում է 10 տարի վավերականության ժամկետով, սակայն 16 տարին լրացած արական սեռի քաղաքացիներին՝ մինչև նրանց 19 տարին լրանալը, իսկ 19 տարին լրացած լինելու դեպքում՝ «Զինվորական ծառայության և զինծառայողի կարգավիճակի մասին» օրենքով սահմանված կարգով տրված պարտադիր զինվորական ծառայության զորակոչից տարկետման կամ բժշկական վերափորձաքննության ժամկետով:

Պաշտպանության ոլորտում Հայաստանի Հանրապետության պետական կառավարման համակարգի լիազոր մարմնի ղեկավարի միջնորդությամբ 18 տարին լրացած արական սեռի քաղաքացիներին անձնագիր կարող է տրամադրվել նաև այլ ժամկետով՝ ուսման, բուժման, մարզական, մշակութային միջոցառումներին մասնակցելու նպատակով:

Անձնագրի կորելու կամ վնասվելու դեպքում անհրաժեշտ է մոտենալ Միգրացիայի և քաղաքացիության ծառայություն կամ Ծառայության տարածքային ստորաբաժանումներից և որևէ մեկը։ Ընթացակարգը նույնն է, ինչ անձնագրի ստացման դեպքում։ Այնուամենայնիվ՝ կորստյան հիմքով անձնագրի ստացումը տեղի է ունենում 10 աշխատանքային օրից։

Անձնագիրն ավելի շուտ ստանալու նպատակով վճարումների չափն ու տրամադրման ժամկետներն են՝
1,000+10,000 ՀՀ դրամ՝ անձնագիրը 3 աշխատանքային օր հետո ստանալու համար,

1,000+20,000 ՀՀ դրամ՝ անձնագիրը 1 աշխատանքային օր հետո ստանալու համար։

Փոխանակելու դեպքում՝

1,000+10,000 ՀՀ դրամ՝ անձնագիրը 3-րդ աշխատանքային օրը ստանալու համար,
1,000+20,000 ՀՀ դրամ՝ անձնագիրը 1 աշխատանքային օրվա ընթացքում ստանալու համար։

Կորցնելու դեպքում՝

1,000+40,000 ՀՀ դրամ՝ անձնագիրը 5-րդ աշխատանքային օրը ստանալու համար,
1,000+50,000 ՀՀ դրամ՝ անձնագիրը 3-րդ աշխատանքային օրը ստանալու համար,
1,000+60,000 ՀՀ դրամ՝ անձնագիրը 1 աշխատանքային օրվա ընթացքում ստանալու համար։

Այս դեպքում վճարումը հնարավոր է կատարել միայն անձնագրային բաժանմունքում՝ վճարային տերմինալի միջոցով։

ՀՀ քաղաքացիության ստանալու համար անհրաժեշտ է գրանցվել migration.e-gov.am կայքի «Քաղաքացիություն ստանալու կամ քաղաքացիություն դադարեցնելու դիմումի ներկայացում» դաշտում կամ earlyone հավելվածով: 

Ու՞մ անունով պետք է ամրագրել հերթագրումը։

Հերթագրումը անհրաժեշտ է ամրագրել բացառությամբ այն անձի տվյալներով, որը պետք է մոտենա սպասարկման։

Վրաստանի Հանրապետություն հնարավոր է մուտք գործել նաև նույնականացման քարտով, բացառությամբ այն դեպքերի, երբ չունեք ՀՀ անձնագիր կամ վավեր չէ ՀՀ անձնագիրը։ 
Հորդորում ենք նախապես ստուգել անձնագրի վավերականության ժամկետը սահմանային անցման կետերում խնդիրներից խուսափելու համար։

Անհրաժեշտ է ստանալ աշխատանքի թույլտվություն և կացության կարգավիճակ։

Օտարերկրացուն կացության կարգավիճակ տալու մասին դիմում ներկայացնում է վերջինիս գործատուն առցանց եղանակով՝ www.workpermit.am միասնական էլեկտրոնային հարթակի միջոցով։

Ժամանակավոր կացության քարտը կարող է ատանալ օտարերկրացին անձամբ կամ նրա կողմից լիազորված անձը (ընդ որում լիազորագրի համար նոտարական վավերացում չի պահանջվում): Քարտը հնարավոր է վերցնել ՀՀ ԱՆ հանրային ծառայությունների միասնական գրասենյակից (Վազգեն Սարգսյան փող․, 3 շենք)։

✅Ղարաբաղից տեղահանված անձինք ՀՀ քաղաքացիության ստացման դիմումներ կարող են ներկայացնել երկուշաբթիից ուրբաթ՝ 
↘️Զաքյան 3 հասցեում գործող ՄՔԾ ստորաբաժանումում, 
↘️մարզերում՝ բոլոր ստորաբաժանումներում,
↘️ՆԳՆ սպասարկման գրասենյակներում՝ շրջիկ ձևաչափով,  
↘️Ծառայության գլխամասային գրասենյակում։

🔎Ի՞նչ փաստաթղթեր է անհրաժեշտ ներկայացնել ՀՀ քաղաքացիություն ստանալու համար, եթե Ղարաբաղից բռնի տեղահանված եմ։ 
✅ՀՀ քաղաքացիություն ստանալու համար անհրաժեշտ է ներկայացնել հետևյալ փաստաթղթերը․
✔️դիմում-հարցաթերթ,
✔️«070» ծածկագրով վավեր անձնագիրը և ժամանակավոր պաշտպանության վկայականը,
✔️35 x 45 մմ չափի 6 լուսանկար (գունավոր),
✔️ծննդյան վկայականը և դրա պատճենը,
✔️ամուսնության (ամուսնալուծության) վկայականը, դրա պատճենը և ամուսնու անձնագրի պատճենը (եթե փոխել է ազգանունը ամուսնության հիմքով),
✔️անձնական տվյալներում փոփոխություն կատարելու վերաբերյալ փաստաթուղթ (եթե անձը կատարել է նման փոփոխություն),
✔️պետական տուրքի վճարումը հավաստող փաստաթուղթ։

ՈՒ Շ Ա Դ Ր ՈՒ Թ Յ ՈՒ Ն 
Մինչև 18 տարեկան անչափահասների ՀՀ քաղաքացիությունը շնորհվում է պարզ անձնագրավորման կարգով (5 աշխատանքային օր)։

ՏԵՂԵԿԱՑՆՈՒՄ ԵՆՔ 
2025 թվականի սեպտեմբերի 1-ից տեղահանված և ժամանակավոր պաշտպանություն ստացած անձինք ազատվում են պետական տուրքի վճարից «Պետական տուրքի մասին» ՀՀ օրենքում 22․01․2025 թվականին կատարված փոփոխությունների արդյունքում։