ԵԱՏՄ անդամ պետությունների՝ ՀՀ տարածքում աշխատող քաղաքացիները ազատված են ՀՀ-ում աշխատանքի թույլտվությունից և կարող  են ստանալ ՀՀ-ում իրենց օրինական բնակությունը հավաստող տեղեկանք, որն անհրաժեշտ է ՀՀ-ում իրենց հետագա իրավունքներն իրացնելու համար (օրինակ՝ 180 օրից ավելի գտնվելու դեպքում առանց վարչական պատասխանատվության ենթարկելու սահմանահատում իրականացնել)։

  Դիմումը  ներկայացնելու համար անհրաժեշտ է՝

•  մուտք գործել www.workpermit.am հարթակ,
• ընտրել «Գրանցվել» կոճակը,
• ընտրել «ԵԱՏՄ քաղաքացի» տարբերակը,
•  մուտքագրել հանրային ծառայության համարանիշը (օտարերկրացին պարտադիր պետք է գրանցված լինի ՊԵԿ-ում, որտեղ արտացոլվում է վերջինիս կողմից վճարված հարկերն ու տուրքերը) և հաստատել,
• անցնել նույնականացում և ստեղծել օգտահաշիվ՝ կցելով լուսանկար, անձը հաստատող փաստաթուղթ և աշխատանքային պայմանագիր։

Ներկայացվող պահանջները

 Բնակության օրինականությունը հավաստող տեղեկանք ստանալու համար անհրաժեշտ է՝

•  լինել ԵԱՏՄ անդամ պետություններից որևէ մեկի քաղաքացի,
•  ունենալ ՀՀ-ում գրանցված ընկերության հետ կնքված աշխատանքային պայմանագիր։

Պահանջվող փաստաթղթերը

• 3,5x4.5 մմ չափսի գունավոր լուսանկար,
• անձնագրի գունավոր պատճեն,
• երկկողմանի ստորագրված աշխատանքային պայմանագիր։

Վճարման չափը և կարգը

Անվճար

Տրամադրման ժամկետը և կարգը

Դիմումներն ընդունվում են առցանց եղանակով՝ 24/7 ռեժիմով։ Բնակության օրինականությունը հավաստող տեղեկանքը տրամադրվում է՝ կախված կնքված աշխատանքային պայմանագրում առկա ժամկետից (1 տարվա դեպքում՝ 1 տարի, 5 տարվա դեպքում՝ 5 տարի, անորոշ ժամկետով պայմանագրի դեպքում՝ 1 տարի)։