Հատուկ անձնագիրը տրամադրվում է 10 տարի վավերականության ժամկետով՝ երկարաձգելու հնարավորությամբ։

Հայաստանում հատուկ անձնագիր ստանալու համար անհրաժեշտ է անձամբ կամ լիազորված անձի միջոցով դիմել Թաիրով 14 հասցեում գտնվող օտարերկրացիներին ուղղված ծառայությունների Միգրացիայի և քաղաքացիության ծառայության ստորաբաժանում՝ նախապես այց ամրագրելով։ 

Ծառայությունից հնարավոր է օգտվել անձամբ կամ լիազորված անձի միջոցով՝ նախապես այց ամրագրելով։

Այց ամրագրելիս անհրաժեշտ է նշել այն անձի տվյալները, ում համար դիմելու են հատուկ կացության կարգավիճակ ստանալու համար։ Յուրաքանչյուր այցելուի համար, անկախ տարիքից, անհրաժեշտ է կատարել անհատական հերթագրում։

Առցանց հերթագրվելու համար անհրաժեշտ է՝

•  մուտք գործել migration.e-gov.am հարթակ, ընտրել «Կացության կարգավիճակի դիմումի ներկայացում» բաժինը և ամրագրել այց,
• նույնականացումից հետո «Դիմորդի էջ»-ում լրացնել պահանջվող տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում) և սեղմել «Հաջորդ էջ» կոճակը,
• բացվող էջի «Այցելության վայր» դաշտում ընտրել Թաիրովի 14 հասցեում գործող բաժանմունքը,
•  «Լրացուցիչ այցելուներ» դաշտում լրացնել ուղեկցող անձանց տվյալները (օրինակ՝ երեխայի ծնողներ),
•  «Այցելության օր և ժամ» բաժնում ընտրել հասանելի օրերից ու ժամերից ամենահարմար տարբերակը և ամրագրել այցը։

Ներկայացվող պահանջները

Հատուկ կացության կարգավիճակ ստանալու համար անհրաժեշտ է՝

• լինել ազգությամբ հայ օտարերկրացի,
•   լինել ՀՀ-ում տնտեսական կամ մշակութային գործունեություն ծավալող այլ օտարերկրացի

Պահանջվող փաստաթղթերը

Հայաստանի Հանրապետությունում հատուկ կացության կարգավիճակ ստանալու համար դիմումի հետ ներկայացվում են հետևյալ փաստաթղթերը՝

•  ՀՀ-ում հատուկ կացության կարգավիճակ ստանալու վերաբերյալ լրացված դիմում-հարցաթերթիկ՝ համաձայն N 2 ձևի,
• ՀՀ-ում օրինական հիմքով բնակվելը հավաստող փաստաթուղթ` ՀՀ մուտքի վիզա, կացության քարտ, ՀՀ հատուկ անձնագիր, ՀՀ առանց մուտքի վիզայի մուտք գործելու իրավունք ունեցող պետությունների քաղաքացիների համար` սահմանային վերահսկողություն իրականացնող մարմնի կողմից անձի` միջազգայնորեն ճանաչված` անձը հաստատող ճամփորդական փաստաթղթում ՀՀ մուտք գործելու մասին կատարված նշումը (միայն ծառայություն դիմելու դեպքում),
• ՀՀ կառավարության 2007 թ. նոյեմբերի 23-ի N 1390-Ն որոշման N 2 հավելվածի 1-ին կետի 8-րդ ենթակետով նախատեսված՝ ազգությամբ հայ լինելը հավաստող փաստաթուղթ (միայն ազգությամբ հայերի համար),
• ՀՀ-ում տնտեսական կամ մշակութային գործունեություն իրականացնելը հիմնավորող փաստաթուղթ (միայն ազգությամբ ոչ հայերի համար),
• անձնագիր կամ ճամփորդական փաստաթուղթ և դրա նոտարական կարգով վավերացված հայերեն թարգմանություն, ինչպես նաև ՀՀ-ում բնակության իրավունքը հավաստող փաստաթուղթ (առկայության դեպքում),
•   3,5 սմ x 4,5 սմ չափսի 6 գունավոր լուսանկար,
•  օրենքով սահմանված պետական տուրքի վճարման անդորրագիր:

Պահանջվող հավելյալ փաստաթղթեր

• ծննդյան վկայական, ծնողների անձնագրերի պատճենները և ծնողների ամուսնության վկայականի պատճենները։

Լիազորված անձի միջոցով դիմելու դեպքում լիազորված անձը պետք է ներկայացնի նաև՝

•  լիազորագիր և լիազորված անձի անձնագիրը։

Վճարման չափը և կարգը

Հատուկ կացության կարգավիճակ ստանալու համար անհրաժեշտ է վճարել 150 000 դրամ։

Վճարումը հնարավոր է կատարել տեղում՝ պոս տերմինալի միջոցով, առցանց եղանակով, ցանկացած բանկում՝ 900005162111100 հաշվեհամարին փոխանցում կատարելով։

Տրամադրման ժամկետը և կարգը

Հատուկ անձնագիրը տրամադրվում է դիմումը ներկայացնելուց հետո 2 ամսվա ընթացքում։ Անձը SMS հաղորդագրության միջոցով տեղեկացվում է դիմումի ընթացքի մասին։

Հատուկ անձնագիրը ստանալու համար անհրաժեշտ է այցելել Վազգեն Սարգսյան 3 հասցեում գտնվող Հանրային ծառայությունների մատուցման միասնական գրասենյակ (երկուշաբթիից ուրբաթ՝ ժամը 09.00-18.00, ընդմիջում՝ 14.00-15.00)։