Հարգելի՛ քաղաքացիներ,

սկսում ենք իրազեկման նոր շարք, որի շրջանակում կներկայացնենք կենսաչափական տվյալներին, նոր կենսաչափական համակարգին և անձնագրերին վերաբերող հետաքրքիր տեղեկություններ։

Այսպիսով, ներկայացնենք՝ ինչ է բիոմետրիկան։

Բիոմետրիա բառը ծագում է հունարեն bios՝ կյանք, և metron՝ չափում բառերից։

Բիոմետրիան մարդուն նույնականացնելու եղանակ է՝ նրա յուրահատուկ կենսաչափական հատկանիշների միջոցով, ինչպիսին են դեմքի առանձնահատկությունները, մատնահետքերը և աչքի ծիածանաթաղանթը։ 

Հայաստանը կենսաչափական հատկանիշներից ընտրել է դեմքի և մատնահետքի միջոցով նույնացնելու տարբերակները։
 
Գաղտնաբառը կարելի է մոռանալ, քարտը՝ կորցնել, իսկ կենսաչափական հատկանիշները միշտ քեզ հետ են։

Հենց այս սկզբունքն է կիրառվում նոր կենսաչափական անձնագրերում։

Հետևեք մեր հրապարակումներին և բացահայտեք կենսաչափական համակարգի մասին ավելին։