2026 թվականի հունվարի 1-ից ամբողջ ծավալով գործարկվել է Քաղաքացիության գործերի էլեկտրոնային կառավարման համակարգը։ 

Գործարկումից ի վեր մեր հաղորդակցության տարբեր խողովակներով ստանում ենք բազմաթիվ հարցեր և զանգեր։

Ստորև շարունակում ենք ներկայացնել առավել հաճախ հնչող հարցերը և դրանց պատասխանները։ 

Ինչպե՞ս մուտք գործել համակարգ, հնարավոր չէ։ 
ՀՀ քաղաքացիները համակարգ մուտք են գործում բացառապես խիստ նույնականացման միջոցով։ 
Օտարերկրացիների, քաղաքացիություն չունեցող անձանց և փախստականների կողմից համապատասխան հայտի ներկայացման համար անհրաժեշտ է նախ ԳՐԱՆՑՎԵԼ համակարգում, որից հետո ՄՈՒՏՔ ԳՈՐԾԵԼ համակարգ և լրացնել նախընտրած հայտը։ 

Ինչպե՞ս կարող եմ հետևել հայտի ընթացքին։  
mcs-citizenship.am հարթակի միջոցով հայտի ներկայացման դեպքում ընթացքի մասին տեղեկատվություն հնարավոր է ստանալ՝ անցնելով «Դիմումներ» բաժին, այնուհետև ձեր կողմից ուղարկված հայտի մասում սեղմել «Տեսնել ավելին» կոճակը և ընտրել «Դիմումի պատմություն» բաժինը։