Հայաստանն ու ՄԱԿ ՓԳՀ-ն ամրապնդում են համագործակցությունը միջազգային պաշտպանության համակարգերի զարգացման ուղղությամբ
03 հունիսի 2026 • 08:00
Մայիսի 29-ին Ներքին գործերի նախարարության միգրացիայի և քաղաքացիության ծառայությունը և ՄԱԿ-ի Փախստականների հարցերով գերագույն հանձնակատարի գրասենյակը (UNHCR) ստորագրեցին Փոխըմբռնման հուշագիր՝ ամրապնդելով համագործակցությունը ապաստանի համակարգի զարգացման, փախստականների պաշտպանության ոլորտում։
Ստորագրված փաստաթուղթն արտացոլում է ՀՀ կառավարության և ՄԱԿ-ի Փախստականների հարցերով գերագույն հանձնակատարի գրասենյակի շարունակական հանձնառությունը՝ ուղղված ոլորտի լիազոր մարմնի կարողությունների զարգացմանը և դիմակայուն համակարգերի ամրապնդմանը։
Գործընկերությունը միտված է ինստիտուցիոնալ լուծումների բազմազանությանը, ապաստան հայցողների և փախստականների պաշտպանության ամրապնդմանը և ոլորտի գործիքակազմերի և մեխանիզմների զարգացմանը, ինչպես նաև շահառու խմբերի ներկայացուցիչների իրավունքների արդյունավետ պաշտպանությանը՝ ապահովելով միջազգային չափանիշներին և ՀՀ օրենսդրությանը համահունչ որակյալ ընթացակարգեր՝ ապաստանի տրամադրման ոլորտում, արժանապատիվ ընդունելության կարողություններ և անհրաժեշտ աջակցության հասանելիություն։
Միգրացիայի և քաղաքացիության ծառայության պետ Նելլի Դավթյանը և ՄԱԿ ՓԳՀ ներկայացուցիչ Մոնիկա Սանդրին վերահաստատել են միջազգային պաշտպանության կարիք ունեցող անձանց ուղղությամբ համագործակցության շարունակական հանձնառությունը։