Հաշվառման (գրանցման) հասցեն արձանագրվում է ՀՀ բնակչության պետական ռեգիստրում, որն անհատական հաշվառման տվյալների տեղեկատվական համակարգ է։

Հաշվառման հասցեի մասին տեղեկանք կարելի է ստանալ առցանց եղանակով կամ անձամբ ՆԳՆ ՄՔԾ ստորաբաժանում այցելելու միջոցով։

Ծառայությունից օգտվելու համար անհրաժեշտ է ունենալ «ԵսԵմ» նույնականացում։

ԵսԵմ նույնականացմամբ

Ներկայացվող պահանջները

Հաշվառման հասցեի վերաբերյալ տեղեկանք ստանալու համար անհրաժեշտ է՝

• Բնակչության պետական ռեգիստրում հաշվառման կամ հաշվառումից հանված լինելու վերաբերյալ տեղեկատվության առկայություն (երբևէ ՀՀ-ում հաշվառված լինելու վերաբերյալ):

Հաշվառման հասցեի վերաբերյալ առցանց տեղեկանք ստանալու համար անհրաժեշտ է՝

• դիմորդի էջում լրացնել անձնական տվյալները,
•  սեղմել «Հաջորդ էջ» կոճակը,
•    ընտրել՝ ում համար է նախատեսված տեղեկանքը (երեխայի կամ դիմող անձի),
•  ընտրել՝ որ հաստատություն է ներկայացվելու տեղեկանքը,
• սեղմել «Հանձնել դիմումը» կոճակը,
• «Վճարում» էջում կատարել տեղեկանքի համար սահմանված վճարումը։

Վճարման չափը և կարգը

Տեղեկանքը ստանալու համար անհրաժեշտ է վճարել 1000 դրամ։ Վճարումը կատարվում է առցանց դիմելու ավարտին՝ «Վճարում» էջում։

Տրամադրման ժամկետը

Առցանց դիմելու դեպքում տեղեկանքն ուղարկվում է դիմողի էլեկտրոնային հասցեին։

Անձամբ՝ այցի ամրագրմամբ

Ներկայացվող պահանջները

Հաշվառման հասցեի վերաբերյալ տեղեկանք ստանալու համար անհրաժեշտ է՝

• Բնակչության պետական ռեգիստրում հաշվառման կամ հաշվառումից հանված լինելու վերաբերյալ տեղեկատվության առկայություն (երբևէ ՀՀ-ում հաշվառված լինելու վերաբերյալ):

Վճարման չափը և կարգը

Տեղեկանքը ստանալու համար անհրաժեշտ է վճարել 1000 դրամ։ Վճարումը կատարվում է տեղում՝ տերմինալի միջոցով կամ առցանց: Վճարումն առցանց կատարելու դեպքում անհրաժեշտ է ներկայացնել վճարման անդորրագիրը։

Տեղեկանքն անվճար տրամադրվում է մինչև 16 տարեկան ՀՀ քաղաքացիներին, ինչպես նաև ՀՀ պետական և տեղական ինքնակառավարման մարմիններին ներկայացնելու դեպքում։

Տրամադրման ժամկետը

Տեղեկանքը տրամադրվում է նույն օրը:

Հնարավոր է դիմել նաև լիազորված անձի միջոցով: Լիազորագիրը նոտարական վավերացում չի պահանջում: