ԵԱՏՄ անդամ պետությունների՝ ՀՀ տարածքում աշխատող քաղաքացիների ընտանիքների անդամները ստանում են բնակության օրինականությունը հավաստող տեղեկանք ընտանիքի աշխատող անդամի տեղեկանքի հիման վրա և նրան տրված տեղեկանքի վավերականության ժամկետով։ Փախստականի կարգավիճակ կամ ապաստան ստանալու համար անհրաժեշտ է ներկայացնել սահմանված ձևի դիմում, որը ՄՔԾ-ում հաշվառելուց հետո, ըստ անհատական հանգամանքների, անձի հետ կանցկացվի հարցազրույց՝ նրա ինքնությունը պարզելու և երկիրը լքելու պատճառների վերաբերյալ տեղեկություններ ձեռք բերելու նպատակով։

  Դիմումը  ներկայացնելու համար անհրաժեշտ է՝

• մուտք գործել www.workpermit.am հարթակ,
• մուտք գործել արդեն գրանցված ընտանիքի աշխատող անդամի օգտահաշիվ,
• «Դիմումներ» բաժնից ընտրել «Դիմում ընտանիքի անդամի համար» ենթաբաժինը,
• կցել պահանջվող  փաստաթղթերը։

Ներկայացվող պահանջները

 Բնակության օրինականությունը հավաստող տեղեկանք ստանալու համար անհրաժեշտ է՝

• լինել ԵԱՏՄ անդամ պետություններից որևէ մեկի արդեն իսկ գրանցված և տեղեկանք ստացած աշխատողի ընտանիքի անդամ։

Պահանջվող փաստաթղթերը

• 3,5x4.5 մմ չափսի գունավոր լուսանկար,
• անձնագրի գունավոր պատճեն,
•  ընտանիքի աշխատող անդամի հետ ընտանեկան կապը հաստատող փաստաթղթի գունավոր պատճեն (երեխաների դեպքում՝ ծննդյան վկայական, ամուսնու, կնոջ դեպքում՝ ամուսնության վկայական, օտարալեզու լինելու պարագայում նաև դրանց  թարգմանությունը)։

Վճարման չափը և կարգը

Անվճար

Տրամադրման ժամկետը և կարգը

Դիմումներն ընդունվում են առցանց եղանակով՝ 24/7 ռեժիմով։ Բնակության օրինականությունը հավաստող տեղեկանքը տրամադրվում է ընտանիքի աշխատող անդամին տրամադրված  բնակության օրինականությունը հավաստող տեղեկանքի ժամկետով։