Հատուկ անձնագիրը փոխանակվում է կորցված կամ օգտագործման համար ոչ պիտանի լինելու դեպքերում։

Հայաստանում հատուկ անձնագիրը փոխանակելու համար անհրաժեշտ է անձամբ կամ լիազորված անձի միջոցով դիմել Թաիրովի 14 հասցեում գտնվող Միգրացիայի և քաղաքացիության ծառայության ստորաբաժանում։

Պահանջվող փաստաթղթերը

Նախատեսված այցի օրը և ժամին անհրաժեշտ է ներկայացնել հետևյալ փաստաթղթերը՝

• դիմում Միգրացիայի և քաղաքացիության ծառայության պետի անունով,
• անձնագիր,
• 35x45 մմ չափսի 2 լուսանկար,
• կորած հատուկ անձնագրի լուսապատճենը (առկայության դեպքում),
• պետական տուրքի վճարման անդորրագիրը։

Վճարման չափը և կարգը

Հատուկ անձնագիրը կորցնելու դեպքում նոր անձնագիր ստանալու համար անհրաժեշտ է վճարել 75 000 դրամ, իսկ օգտագործման համար ոչ պիտանի լինելու կամ տվյալների փոփոխության դեպքում այն տրամադրվում է անվճար։

Վճարումը հնարավոր է կատարել տեղում՝ պոս տերմինալի միջոցով, առցանց եղանակով, ցանկացած բանկում՝ 900005162111100 հաշվեհամարին փոխանցում կատարելով։

Տրամադրման ժամկետը և կարգը

Նոր հատուկ անձնագիրը տրամադրվում է 5-ից 10 օրվա ընթացքում։

Անձնագիրը ստանալու համար անհրաժեշտ է այցելել Վազգեն Սարգսյան 3 հասցեում գտնվող Հանրային ծառայությունների մատուցման միասնական գրասենյակ (երկուշաբթիից ուրբաթ՝ ժամը 09.00-18.00, ընդմիջում՝ 14.00-15.00)։