Անձնագրի ստացման համար անձը կարող է մուտք գործել migration.e-gov․am հարթակ, «Առցանց հերթագրումներ» կամ «Անձնագիր» բաժնից ընտրել համապատասխան տողը՝ «16 տարեկանից բարձր ՀՀ քաղաքացու անձնագրավորում» «Մինչև 16 տարեկան ՀՀ քաղաքացու անձնագրավորում» կամ «ՀՀ քաղաքացիություն ստացած անձի առաջին անգամ անձնագրավորում», ընտրել հարմար օր, ժամ և ստորաբաժանում։ 

ՄՔԾ տարածքային ստորաբաժանում անհրաժեշտ է մոտենալ նախընտրած ժամից 10-15 րոպե շուտ։ 

Մեկ այլ դեպքում անձը առանց հերթագրման կարող է մոտենալ ՆԳՆ միգրացիայի և քաղաքացիության ծառայություն կամ Ծառայության տարածքային ցանկացած ստորաբաժանում, գնահատել տեղում առկա մարդկային կուտակումները, վերցնել տերմինալից հերթի կտրոն և սպասել։ 

Անձնագրի կորելու կամ վնասվելու դեպքում անհրաժեշտ է մոտենալ Միգրացիայի և քաղաքացիության ծառայություն կամ Ծառայության տարածքային ստորաբաժանումներից որևէ մեկը։ Ընթացակարգը նույնն է, ինչ անձնագրի ստացման դեպքում։ Այնուամենայնիվ՝ կորստյան հիմքով անձնագրի ստացումը տեղի է ունենում 10 աշխատանքային օրից։

Անձնագիրն ավելի շուտ ստանալու նպատակով վճարումների չափն ու տրամադրման ժամկետներն են՝
1,000+10,000 ՀՀ դրամ՝ անձնագիրը 3 աշխատանքային օր հետո ստանալու համար,

1,000+20,000 ՀՀ դրամ՝ անձնագիրը 1 աշխատանքային օր հետո ստանալու համար։

Փոխանակելու դեպքում՝

1,000+10,000 ՀՀ դրամ՝ անձնագիրը 3-րդ աշխատանքային օրը ստանալու համար,
1,000+20,000 ՀՀ դրամ՝ անձնագիրը 1 աշխատանքային օրվա ընթացքում ստանալու համար։

Կորցնելու դեպքում՝

1,000+40,000 ՀՀ դրամ՝ անձնագիրը 5-րդ աշխատանքային օրը ստանալու համար,
1,000+50,000 ՀՀ դրամ՝ անձնագիրը 3-րդ աշխատանքային օրը ստանալու համար,
1,000+60,000 ՀՀ դրամ՝ անձնագիրը 1 աշխատանքային օրվա ընթացքում ստանալու համար։

Այս դեպքում վճարումը հնարավոր է կատարել միայն ՄՔԾ ստորաբաժանումում՝ վճարային տերմինալի միջոցով։

Անձը կարող է ստանալ քաղաքացիություն, եթե ազգությամբ հայ է։ 

ՀՀ քաղաքացիություն ստանալու վերաբերյալ դիմումները հնարավոր է մուտքագրել բացառապես https://mcs-citizenship.am/am կայքի միջոցով՝ Քաղաքացիության գործերի էլեկտրոնային կառավարման համակարգով։

Վրաստանի Հանրապետություն հնարավոր է մուտք գործել նաև նույնականացման քարտով, բացառությամբ այն դեպքերի, երբ չունեք ՀՀ անձնագիր կամ վավեր չէ ՀՀ անձնագիրը։ 
Հորդորում ենք նախապես ստուգել անձնագրի վավերականության ժամկետը սահմանային անցման կետերում խնդիրներից խուսափելու համար։

Անհրաժեշտ է ստանալ աշխատանքի թույլտվություն և կացության կարգավիճակ։

Օտարերկրացուն կացության կարգավիճակ տալու մասին դիմում ներկայացնում է վերջինիս գործատուն առցանց եղանակով՝ www.workpermit.am միասնական էլեկտրոնային հարթակի միջոցով։

Ժամանակավոր կացության քարտը կարող է ստանալ օտարերկրացին անձամբ կամ նրա կողմից լիազորված անձը (ընդ որում՝ լիազորագրի համար նոտարական վավերացում չի պահանջվում): Քարտը անհրաժեշտ է ստանալ ՀՀ ԱՆ հանրային ծառայությունների միասնական գրասենյակից (Վազգեն Սարգսյան փող․, 3 շենք)։